Na mi isla

Mi a pensa pa hopi tempu tokante kiko eksaktamente mi lo ke skirbi i kiko eksaktamente mi lo ke splika. Pasobra, manera bo sa, Bonerianonan ta stima informashon. I mi no tin problema ku duna tur e detayes nan, pero mi no tabata sa bon kiko ta sabiduria. Pa preveni problema ku por keda prevení. Na mes momento, mi no ke pidi yudansa sin splika dikon e yudansa ta nesesario — pasobra pa risibi loke mi tin pa ofrese mester kompronde lokual ku mi tin mester di dje.

Pues aki e ta bini. Mi ta bai splika promé kon mi ta eksperensiá bida, pa boso por komprondé dikon e tormenta tabata realmente un tormenta. I kiko mi mester hasi awor pa bira mihó, i kon boso por yuda ku esei.

Outismo i ADHD

Mi a pensa hopi riba e mihó analogia pa deskribí mi mes. I mi a nota den lesa Beibel i den kòmbersashon ku hende ku un di e kosnan ku nan ta haña mas konfuso tokante Dios ta en realidat algu ku mi por usa pa deskribí mi mes.

Den Beibel, Dios ta wòrdu deskribí komo e Tata, e Yu i e Spiritu Santu — un Trinidat, manera nan ta yama esei. I esei ta en realidat un manera hopi bon pa deskribí mi mes. Pasobra tur dia mi ta trata ku e interakshon di ken mi ta yama "ami".

E promé parti: alma. Esei ta loke mi ta yama "ami".

E di dos parti: mi serebro, mi sesonan. E por pensa i disidí riba su mes, i trese sierto kosnan dilanti ku ami — e alma — no ta di akuerdo kuné. Pues anto mi ta bisa stòp. I despues e serebro ta stòp di pensa riba dje, por ehèmpel.

E di tres parti: e kurpa. E kurpa en realidat ta skucha e serebro. No na mi, no na e "mi", e alma. Semper e mester bai via via. Pues si tin un problema den e kurpa, ta tuma un ratu promé ku ami — e alma — komprondé esei. Pasobra e mester wòrdu tradusí dor di e serebro, ku tin biaha ta muchu okupá pa tradusí algu. I durante tur esaki mi no sa kiko ta pasando. Pues mi por tin sintimentunan di paniko òf depreshon sin sa dikon. Hopi biaha mi ta ripara a base di kiko ta pasando. Pakiko anto ainda mi ta riba kama? Depreshon. Mannan òf henter kurpa mes ta tembla? Tenshon. I despues mi no sa kiko ta pasando.

Mi bida diario ta un tipo di akto di balansa entre e tres partinan aki di mi. I mi ta bisa "tres parti di mi" pasobra nan tur ta sinti manera ami. Tambe mi ta sinti mi responsabel pa tur loke ta sali for di e tres partinan di mi. Pues no tin personalidat dividí den e eksistensia normal, sin tormenta.

Pero asina ku mi sali for di balansa — i mester bai hopi leu — e relashon entre nan por wòrdu strobá. Un ehèmpel: tur hende konosé e término piekeren — hopi preokupashon na mente. Tin biaha bo ta bai serka e sikólogo i bisa "mi tin hopi preokupashon", i despues bo ta haña CGT òf loke sea pa tin ménos preokupashon. Pa mi, preokupashon ta algu diferente — ta ku 30 aña nei mi a bin kompronde ku mi ta outista, pues hopi kos mi a siña nombra "met terugwerkende kracht". Pa mi, preokupashon ta: ora e serebro ta sigui pensa i no ke stòp. Asta si mi bisa "keda ketu", e ta sigui bai. I despues mi ta tende i mira tur tipo di palabra i imágen den mi kabes. Mi ke pa e stòp, pero mi no por. Esei ta pasobra e balansa ta strobá, i e serebro ke pa mi kompronde ku algu no ta klòp, i tuma akshon pa kambi'e.

Pasobra tur tres di e partinan aki mester di algu pa sinti nan mes sigur. Pa e serebro, e ta prinsipalmente struktura, òrdu i bèrdat. No tin ambiguidat, no tin mentira. Nada ku ta kambia si a bisa e lo no kambia. Pa e kurpa, e ta prinsipalmente trankilidat — no muchu zonido, no muchu kos diferente ta pasando na mes momentu. Pasobra manera boso porta sa: hende outista ta kapta riba tur kos. Mas kos ta pasando, mas e kurpa ta okupá ku tuma tur kos aden. I na sierto momento e ta djis bisa: mi no por tuma mas aden. Shutting down. I ora esei sosodé, a bai muchu leu kaba.

Pasobra ami — e alma — sa kiko mi kurpa por manehá. I ta mi trabou pa tene mi mes den balansa. Esei ta en realidat mi okupashon di mas grandi durante henter dia. I entre tur esei mi tin ku hasi mi kosnan: kome, traha, hòbi (no tin hopi), kanta, traha riba e kunuku. Tur dia ta un tipo di delicate balance pa keda denter di e parameternan.

I esei ta un tiki kon e bida outista ta. Mi mester skucha ora algu krusa mi límite. Si mi purba di pasa riba dje òf skonde pa e bèrdat, e ta bini bèk tardá — den e pió kaso, a traves di e kurpa. Despues mi ta kuminsá sea kore bai for di situashon, òf trèk mi kabei, òf ke dal mi kabes kontra di muraya. Esei ta tur e kosnan ku bo ta mira den muchanan outista. I nan ta einan ainda den adultonan. Pero nos a siña kon pa tene tur kos den balansa. I e no ta algu ku bo por hasi bo so — e tin di haber tambe ku bo ambiente. I un ambiente kambiante a trese e tormenta.

E tormenta

E tormenta tabata un kombinashon di diferente situashon ku a pone ku mi no por a logra keda den balansa mas. Mi tabata pega soño for di balansa, i mi tabata lanta mainta desbalansá. Mi mente den paniko foi ora mi wowo habri. Henter dia mi tabata labora pa hinka mi mes bèk den balansa. Pero no a logra.

Manera mi a bisa: bèrdat ta hopi importante pa mi. Tambe pasobra mi ta nota tur kos, i tur kos ta wòrdu registrá — manera hey, bo tabata einan, pues bo mester ta aki awor. I ora esei no ta kuadra, mi serebro ta kuminsá haña e situashon straño promé. Despues mi ta hasi pregunta, i ora e preguntanan ei no ta wòrdu kontestá ku bèrdat — òf no ta wòrdu kontestá en apsoluto — un deskonfiansa pa e situashon ta krese. E no ta sinti sigur mas, pa motibu di e kambionan inesperá òf ineksplikabel.

Esaki ta e tormenta deskribí den e sentido mas genériko. El a sigui muchu mas largu ku e mester a bai, pasobra mi no ta kapas pa mira sierto kosnan ora nan no ta kuadra den e konteksto ku nan ta pasando aden. Un ehèmpel: mi ta na un warda di polis. Nunka mi lo a spera ku si mi a pèrdè algu einan, polis a hòrta esei. Pasobra pa definishon, un polis no ta hòrta. Pues ora mi pèrdè algu na un warda di polis, e pensamentu kisas el a wòrdu hòrtá nunka lo a pasa den mi mente. I si en realidat el a wòrdu hòrtá — lo mi no a hañ'é nunka, pasobra nunka lo mi no a wak den e direkshon ei.

Esei ta un tiki e situashon ku mi tabata aden. Solamente e no tabata na un warda di polis, pero djis na kas. I mi no tabata sa realmente kon pa manehá esei. Ora mi a haña e yudansa korekto di e hendenan korekto, mi no por a manehá loke mi mester a hasi pa yuda mi mes.

Esei tabata e tormenta: un manera nobo di mira tur kos i eksperensiá tur kos. Motivashonnan nobo pa biba p'e. Tur kos mester a bira diferente, i nunka mi no a mira esei bin.

Sinseramente, ainda mi no sa kon mi ta manehá tur e kosnan diferente. Pero dia pa dia, ta parse ku e ta bira mihó. Pues nos ta sigui di e manera aki.

Dikon mi ta pidi yudansa awor?

Pa un tempu kaba, mi ta ripará ku durante mi trabou aktual (pa un kompania na Hulanda) mi ta bira intrankil. No pasobra mi no ta gusta e trabou, òf pasobra e koleganan no ta amabel. E no tin nada di haber ku e trabou; en realidat e ta un lugá di trabou hopi dushi. Pero traha den e ambiente aki (pues, na kas, tras di mi computer) ta sinti inkreíblemente insigur. E no ta hustifiká, pasobra e konsekuensianan ku mi kurpa ke protehá mi di dje no tin nada di haber ku e trabou aki. Pero e asosiashon a wòrdu krea, i mi mester asepta esaki i deal kuné. E ta un tiki manera PTSD, kaminda un zonido òf holó por hiba bo bèk na un evento traumátiko.

Komo ku mi no tin e luho pa no traha, mi ta forsa mi mes pa traha. For di eksperensia, mi sa ku esaki no ta bai kaba bon. Mi lo bira ménos produktivo en general, pasobra mi ta pousa tur kos "pa por traha", loke despues no ta tuma luga tampoko.

Anto ya, si mi no ta traha mi por verwacht ku no ta dura largu prome ku mi no mester traha mas tampoko.

Pa preveni esei mi mester buska algu otro pa trese entrada, pa mi tuma un vakansi largu di mi trabou usual pa mi por reset mi kurpa, na moda di bisa. Pues esei ta e meta final: pa krea espasio pa kura i konstruí strukturanan nobo.

E plan ku mi tin ta pa ofresé Commerce i B-Checked pa un sierto tarifa mensual. Solamente mi no sa kuantu e tarifa mensual ei mester ta. Mi ta wak solamente kiko e ta kosta mi pa tene esaki online. Pero e balor real ta den loke e ta spar òf gana boso, komo usuarionan potensial. Pues mi mester di yudansa ku esei tambe, i esei ta rekerí hopi honestidat di boso parti. Den e formularionan riba e aplikashonnan ta puntra entre otro kuantu boso lo por paga pa esaki pa luna. Via di esaki mi por haña un idea general.

Loke mi a traha

Riba e página di inisio boso ta mira tur loke mi a konstruí — ta tur sorto di kos. Loke tur e aplikashonnan aki tin en komun ta ku nan meta ta pa kita trabou repetitivo for di hende i pa outomatisa prosesonan. Di manera ku hende mes mester traha ménos i ojalá tin mas tempu pa dediká na nan mes — òf asta mihó: na nan kura òf kunuku.

E di dos motibu: aki na Playa Grandi nunka lo mi haña nada entregá na kas — e ta muchu leu. P'esei mester introdusí algu manera Shiloh Market. E idea di Shiloh Market mes tambe ta un gran motivashon pa sigui ku Commerce, pasó pa e vishon bira realidat tin basta kompania mester bai "online". I den e trabou pa esei, tur e otro kosnan aki a bini aserka. Kon eksaktamente mi no ta kòrda nunka — pero esei ta ADHD.

E di tres motibu: mi no ta gusta traha asina tantu. E kos di mas dushi ku mi por imaginá ta pa djis dediká tur mi tempu na kosnan ku mi ta gusta — esei ta parse di ta algu ku tur hende tin. Pero pasobra mi por konstruí sistemanan ku por yuda negoshinan, mi a mira tambe e oportunidat pa krea un sierto nivel di seguridat finansiero pa mi mes i mi famia. Esei tambe tabata un motivashon pa traha riba e aplikashonnan aki.

Miéntras tantu, e motivashon ei a kaba na nada. Pero te ainda mi lo ke tin un futuro sigur sí, i naturalmente tempu pa mi por pasa ku mi yu hòmber. Pues esei tambe ta un meta riba su mes.

Na boso

Loke mi ta spera ta ku boso ta pasa dor di e kosnan. Wak rònt, hasi manera ta un museo. Lesa loke mi a skirbi, wak si bo ta entusiasmá tokante di dje, i si bo ta — tuma kontakto ku mi. E ora ei nos por wak kiko nos por logra huntu.

Mi ke yuda Bonerianonan no solamente pa ta mas produktivo, pero tambe mas efisiente ku nan tempu i rekursonan. Pa por mira i siñala kosnan mas lihé. Nos ta bon den reakshoná, pero kisas nos por bira mihó den prevení. I tin biaha un app por yuda ku esei.

Pues prinsipalmente wak rònt — i kompartí esaki ku otro hende, espesialmente komersiantenan ku bo sa ta desea di tin un presensia online.

Mi tin hopi speransa ku lo mi risibí di esaki loke mi mester. E kos di mas importante a wòrdu hasí kaba. Nos ta un pueblo konosí pa sostené i yuda otro den tempu di nesesidat. I den e dianan di mas skur despues di e tormenta, mi isla ta tei ❤️. Ta dushi pa ta parti di un pueblo asina.

Masha danki,

Calvin