Market

Un mes winkelmandje, vários negoshi

Imaginá: tres hende ta usa Commerce. Un ta bende kuminda, un ta bende skruf i material di konstrukshon, un ta bende flornan. Riba un sierto dia bo ke kuminda, flornan i un pak di skruf. Riba e merkado bo ta mira tur opshon — no nesesariamente grupá pa empresa, ma simpelmente tur loke ta disponibel — i bo ta hala tur kos huntu den bo winkelmandje.

E parti difísil ta e betaling. E ideal ta paga un solo biaha pa tur tres produktonan, i despues e plaka ta wòrdu dividí i mandá pa e bendedó korekto. Sentoo poko tempu pasá ta sostené algu ku ta bai den e direkshon ei (manera un sistema di escrow); un implementashon kompleto ainda mester sosodé.

Voordeel di skala

Pakiko esaki por funshoná? Pasobra negoshinan konektá huntu por hasi mas ku kada un pa su mes:

• Bezorgpool kompartí — un restorant ku ke entregá normalmente mester di su mes hende ku ta entregá, ku mantenshon i un radio limitá (Rincon i Playa Grandi sa keda pafó). Via Market un solo bezorgpool por kubri henter e isla. Bo òrdu i di bo bisiña ta bai ku e mes biahe.
• Batch pa zona — por ehèmpel kada or òf kada dos or un biahe na Rincon; tur òrdu di Rincon den e tempu ei ta bai huntu.
• Lugá di entrega dinámiko — telefòn tin GPS. Ora bo hasi un òrdu bo ta manda bo lugá huntu. Bo ta na bo lugá di trabou i e skruf a kaba? Pidi na M-Tech, un hende ta entregá esei na bo lugá di trabou. Parti di e funshonamentu di order fulfillment ku tambe ta deskribí den Commerce.

Pa e kumpradó esei ta nifiká mas flexibiliteit. "Awe mi no ta bai na supermerkado — mi ta pidi tur kos i laga nan entregá na mi lugá di trabou tardi, mi ta hiba e kas."

Mas ku komèrsio so

Banda di e data ku ta bin di Commerce tin funshonnan pa kua hende awor ta usa Facebook:

• Tweedehands — kumpra i bende produktonan, sin ku bo mester pasa pa un grupo riba un otro platform.
• Veiling — pone un produkto, un startprijs, i hende por ofresé. E ofresementu mas haltu den e tempu stipulá ta gana. (Ta funshoná kaba den e demo.)
• Forum — un lugá kaminda hende ta papia ku otro tokante loke ta okupá nan. No social media den e sentido normal, ma simpelmente un lugá pa kòmbersá. Ku nòmber di bèrdat, asina hende ta tene kuenta ku kiko nan ta bisa.
• Transparensia di preis — si bo ta usa e inkoopmodule den Commerce, outomátikamente ta nase data históriko di preis. Dor di kompartí esei, hende por mira un biaha mes na unda e suku, lechi i otro produkto mas barata ta disponibel — sin warda riba un investigashon den korant.

Un kuenta pa tur webshop

Market tambe por funshoná komo platform sentral di autorisashon — basá riba OAuth. Krea un solo Market-account, i usa esei pa login den kada webshop di un negoshi konektá.

E idea: si un hende ke hasi òrdu direktamente serka bo tienda en bes di via Market, e persona ei no mester skirbi su adrès, nòmber i informashon di kontakto di nobo. E ta login ku su Market-account, i e webshop ta sa mesora ken e ta.

Aki mi tin mester di yudansa

Esaki ta un proyekto grandi, anto lo tin yen di kos ku mi mes lo no a pensa riba dje òf konsidera. Pa e parti finansiero probablemente mester di un stichting derdengelden. Un stichting kooperativo tambe por — pa ta parti di Market bo ta paga un suma mensual, i ku esei nos ta paga huntu pa e servisio.

Hopi idea ta posibel akí, ma esaki mi no por disidí òf realisá mi so. Dos pregunta konkreto:

1. Esaki ta un bon idea?
2. Si ta, kon lo bo ke yuda?