Kon mi por yuda
Banda di e aplikashonnan akí tin basta kos ku mi por hasi, kaminda mi por yuda boso. Riba e página akí mi a pone un resúmen — pero mi ta bon na pensa huntu i buska solushon. Pues si boso tin un problema òf no por sigui ku algu, mi ta gusta pensa huntu pa wak ki solushon nos por hañ'é.
Digital
Mi ta programadó. Mi por traha website, regla e-mail, kumpra i konfigurá domain names. I mi por traha solushon na medida pa proseso di negoshi — si tin algu ku tin hopi ripitishon aden, mi por traha un kos pa simplifiká òf automatisá esei.
Riba kunuku
Banda di e kosnan di IT, mi ta pasa hopi tempu riba mi kunuku na Playa Grandi. Den e añanan, mi a akumulá algun hèrmènt. Mi no ta bai muchu mas leu ku Rincon, pues te asina leu mi por yega ku e mashinnan.
Mi tin un mini-excavator i un trèktòr. E trèktòr por plug, kòrta yerba, trabaha tera (cultivator), traha kaminda dor di mondi. E mini-excavator por koba — pa buraku di staka di palu, òf pa manda staka di heru ku martin den tera — i limpia un área chikitu.
Mi tin tambe hopi eksperensia ku tur kos ku por bai robes riba un kunuku. Si bo tin un kunuku i bo ke realisá algu, mi por duna konseho i kisas yuda implementá esei.
Trabou chiki na kunuku
Mi no ta un elektrisista òf loodgieter ofisial, pero mi por duna konseho. Akí mi mes a pone tur kos huntu, e ta funshoná ainda. Tambe mi por instala sistemanan di netwerk, pues hala waya, instala WiFi, etc.
3D printing i elektrónika
Mi tin un 3D printer ku mi nunka a usa. Pues si bo ke imprimí algu na 3D, let me know — kisas nos por hasi e huntu.
Mi por traha tambe ku integrated circuits i microcontrollers. Mi tin basta tempu sin a hasi algu kun'e, pero si bo tin algu — por ehèmpel un sistema ku ta duna awa outomátikamente basá riba si ta yobe òf nò, òf un kos ku bo ke pone bou kontrol via internet — mi por pensa huntu i sòru ku e ta funshoná.