Yuda

Boneiru stimá,

E último lunanan tabata mi tempu di traha mi bida di nobo, despues ku un tormenta inesperá den mi bida personal a kambia tur kos.

Mi nòmber ta Calvin i mi tin mester di boso yudansa.

Komo autista, esaki tabata katastrófiko pa mi. Mi rutina sigur a desparesé den un dia, i mi kurpa a marka kasi tur kos ku mi tabata konta riba dje komo no-sigur. For di e momento ei mi ta sinti mi malu ora mi tin ku bai traha, òf mi ta keda kompletamente ketu i paralisá ora mi tin ku bolbe pasa kaminda e tormenta a laga su destrukshon. (I esei ainda mester sosodé.) Mi mester hasi loke mi kurpa ta pidi pa mi sinti mi sigur. No straño, ma diferente.

Banda di esei mi tin ADHD tambe. I esei ta presis kaminda e problema ta: mi parti autista tin mester di klaridat, kos ku mi sa di antemano i tiki prikkels, ma mi serebro ku ADHD tin mester di e kontrario. It's a mess i mi no por sali for di esei mi so. Tur dia mi ta purba di nobo, pero loke ta funshoná, despues di tres dia ma lubidá, i asina mi ta kai atrobe den un rutina (no salú) di káos. Pasobra mi parti autista tambe ta kontra tur kambio.

Loke mi a siña for di eksperensia: e kombinashon ganadó ta responsabilidat na otronan. Esta: boso. I aki mi tin mester di boso yudansa: pa traha struktura nobo, salú, i pa haña trabou ku no ta hasi mi sinti malu.

Banda di tur e miseria aki, mi kabes ainda ta traha basta bon. Mi ta programadó, i manera hopi programadó, mi hòbi tambe ta programá. Ma aki tambe e ADHD ta fuerte: tin poko proyekto ku mi ta kaba prome ku mi ta haña interes den un nobo, i lubidá esun bieu.

Mi ke kambia esei, ma mi no sa bon kaminda mi mester fokus.

P'esei mi a traha un showcase di mi hopi proyektonan ku no ta kabá. Pa kada proyekto tin un storia largu, pasobra tin un vishon kompleto patras di dje. Bo por vota pa e aplikashonnan ku bo ta haña ku tin balor pa bo, i via e formularionan di kontakto bo por inskribí pa usa òf tèst un programa.

Pa algun di e programanan aki, e plan ta pa eventualmente kobrá — via bendementu òf abonamentu. Negoshi tin ku generá entrada, esei ta duidelijk. Pero ainda no: kliente ku ta paga ta trese responsabilidat, i e momento aki esei no ta sinti sigur. P'esei pa awor tur kos ta gratis pa purba.

Mi no por hasi esaki mi so. P'esei mi ta puntra esaki aki, honestamente.