B-Checked

Huismeester ta trata di maneho di un kas. Bo por ta miembro di vários kas — pasobra esakinan por separá — i ta un hèrmènt ku ta yuda ku komunikashon entre kasnan.

Planning

E kalènder ta wòrdu yená dor di tres fuente:

• Item di planning — punto di agenda ku ora di kuminsá i di kaba, fecha, lugá.
• Tarea — kosnan ku mester wòrdu hasí, ku un deadline opshonal.
• Rutina — blòkinan ku ta ripití manera desayuno, kaminda bo ta indiká riba ki dianan e ta aktivo.

Un rutina por konsistí di variashonnan. Por ehèmpel: desayuno ta pan ku webu, kornfleks òf havermout. Pa kada variashon bo ta indiká kua ingredientenan tin mester. Riba base di esei e sistema ta traha outomátikamente un lista di kompra.

E kalènder tin kategorianan — bo ta traha un pa kada tema — i ta sinkronisá den dos direkshon ku bo telefòn, kòmpiuter òf programa di mail.

Finansa

Un modulo pa administrashon finansiero: pone budget, sigui gastonan, scan resibu i linkea nan na un budget. Pa empresa chikí di un solo doño bo por hasi un separashon entre budget di kas i di negoshi, ku maneho di stòk i balor di depresiashon.

Danki na e integrashon ku Sentoo i PagaDirect bo por traha faktura mes den Huismeester ku ta pagabel dirèkt via e sistema di pago aki.

Awendia esaki a krese bira un sistema di kontabilidat kompleto basá riba partida dòbel. Bo tin un registro general (grootboek) ku rapòrtnan — balansa, kuenta di ganashi i pèrdida, balansa di prueba, estado di fluho di plaka i budget vs. real — i bo ta sera periodonan di kontabilidat.

• Importashon di banko — importá bo estadonan di banko i konektá e liñanan na transakshonnan i budgetnan.
• Fakturanan di kompra — subi i registrá fakturanan di kompra, inkluyendo e PDF.
• Budgetnan ku ta ripití — budget mensual ku ta bolbe outomátikamente kada periodo, ku kategorianan mará na kuentanan di registro general (grootboekrekening).

Belasting na BES

Spesífikamente pa Hulanda Karibense, e formularionan ofisial di deklarashon ta inkluí — simulá i pre-yená for di bo mes datonan: ABB (for di bo fakturanan finalisá), Loonheffing (for di un kalkulashon di salario brutu pa neto segun e Handboek Loonheffingen BES 2026) i Opbrengstbelasting. E deklarashonnan i jaarrekeningnan ku bo a entregá ta keda wardá den un archivo. E formularionan ta indikativo — bo ta hasi e deklarashon ofisial via MijnCN/BCN.

Práktiko

• Nota — un blòki di teksto liber.
• Checklist — traha nan, laga otro hende sigui nan.
• Handleiding — skirbi un proseso pa otro hende i kompartí via un URL spesial.

Sistema di voorstel

Pa situashonnan kaminda komunikashon ta difísil — por ehèmpel mayornan separá ku ta kompartí un yu. Bo ta hasi un voorstel linká na un yu; e otro persona por aseptá, rechasá, òf indiká kiko mester kambia pa por aseptá. Tur kos ta keda kla pa tur dos banda.

E otro mayor no tin mester di un kuenta di B-Checked — e ta risibí un magic link i por kontestá via e link ei. Asina e komunikashon ta pasa via e sistema, i hopi strès i molèster ta evitá.

Integrashon ku AI

Pasobra niun hende no tin tempu pa pone rutina pa kada dia, tin un funshon di Quick Capture. Bo ta pone teksto òf upload un portrèt, i e sistema ta determiná kua objetonan mester wòrdu kreá. Skirbi "mañan dos or pa dòkter" i un item di planning ta aparesé.

Na e otro banda tin un konekshon MCP ku ta duna bo chatbot tools pa kambia kos den bo kas — habri bo app di ChatGPT, bisa "mi tin ku bai dòkter mañan 11or, pone esei den B-Checked", i e ta kla.

I for di poko tempu, esei no tin ku pasa via un app eksterno: awor tin un asistente inkorporá den B-Checked. Un bentana di chat ku konosé bo datonan di kas — buki, deadline, e dia di awe — ta kontestá den bo mes idioma i ta prepará kosnan pa bo (ku bo konfirmashon).

Interesá? Avisá mi i mi ta krea un kas pa bo asina bo por purba e sistema. Feedback ta apresiá.