Papiamentu Spellchecker
Chèk di ortografia pa papiamentu.
Papiamentu Spellchecker ta un aplikashon ku mi a krea pasobra mi no ta tan bon ora di skirbi papiamentu. E aksèntnan ta dunami strès, pa esei mi ta skirbi papiamentu ku fout i despues mi ta laga koregí. Antes mi tabata hasi e korekshon mi mes, pero esei tabata kosta muchu tempu, pa esei mi a ke outomatisá. Mi no tabata sa di niun spellchecker na papiamentu ku mi por usa, pa esei mi a pensa ku mi mester traha esun di mi mes.
Bo ta haña esaki interesante?
Vota ta e manera prinsipal pa yuda mi — asina mi sa unda interes ta sintá i unda mi mester pone mi tempu.
Òf manda mi un mensahe — mi tin un pregunta òf feedback +
Pa esaki mi a usa e buki Ortografia i Lista di palabra papiamentu - Buki di Oro di Omayra Leeflang. Den dje tin un lista di tur palabra bálido na papiamentu (di Kòrsou, mi ta suponé), i tur regla di skirbi. Tin un idioma di programashon ku ta traha riba base di faktonan i regla — Prolog — i esei mi a usa pa traha e spellchecker akí. Algun parti tabata kosta muchu tempu den Prolog i esei mi a bolbe skirbi na Rust.
Awor ta un spellchecker kaminda bo por tira un blòki di tèkst den dje i e ta dunabo un skor bèk: si bo papiamentu ta bon, kua palabranan bo tin ku òf por kambia. Tin biaha e no sa simpelmente — esei tambe ta posibel — pero en prinsipio e ta yuda haña un parti grandi di e foutnan di spelling den bo tèkst.
Loke ta hasi e spesial ta ku e tin un konekshon pa komuniká direkt ku AI agente manera ChatGPT òf Claude. Bo por bisa miéntras bo ta papia ku e AI: "Tradusí esaki na papiamentu i laga e spellchecker check e." E AI sa haña e spellchecker i sa kon pa check. Pasobra e spellchecker ta trahá pa un proseso iterativo, e AI por disidí riba base di e skor si ainda tin mester di mehorashon.
Asina mi ta usa e spellchecker akí pa check i koregí e tekstonan na mi website (ku ta mayoria na papiamentu). E ta semper online i grátis pa tur hende. Riba e website tin instrukshon kon bo por konektá e ku bo AI agente. Si boso tin pregunta, mi ta gusta tende.
Bo ta haña esaki interesante?
Vota ta e manera prinsipal pa yuda mi — asina mi sa unda interes ta sintá i unda mi mester pone mi tempu.