Music Companion
Un lugá pa siña toka e músika lokal di Boneiru — ku tuner pa kuarta i ukulele, i rekonosimentu di akordenan for di kualkier fuente di audio.
Music Companion a nase riba Dia di Rincon — pero e storia a kuminsá un dos siman promé. Aki riba e kunuku mi a risibí bishitá di mi primu Robby i un filmadó ku tabata buska un lugá pa un videoclip. Nan a wak rònt, puntra si nan por filma akí, i mi a duna nan lus bèrdè.
Esei tabata e di promé biaha den mi 33 aña ku mi a haña un bista berdadero den e kultura tras di nos músika lokal. Nos di Playa Grandi no ta mes ku Simadán, pues nunka mi tabatin esei den mi — pero mi a haña e bunita. Nan a invitá mi pa bai Dia di Rincon huntu ku nan, i ei tabatin un kolekshon kompleto di instrumento, entre nan un kuarta ku tabata kompletamente for di stèm. Online no tabatin nada pa stèm un kuarta kuné — òf un guitara, òf kualke kos den e konteksto akí. Anto ei mi a sa kiko mi ke traha.
Bo ta haña esaki interesante?
Vota ta e manera prinsipal pa yuda mi — asina mi sa unda interes ta sintá i unda mi mester pone mi tempu.
Òf manda mi un mensahe — mi ke partisipá / yuda +
Tuner
E promé kos ku mi a traha tabata un tuner — pa e kuarta i pa e ukelele (esun ku mi mes ta toka). Bo ta skohe e instrumento, e ta skucha, i e ta bisa si bo kuèrdè mester bai ariba òf abou. Nada téknikamente spesial, ma pa e kuarta simpelmente no tabatin nada online.
Un lugá pa nos músika lokal
Despues di e Dia di Rincon mi a ripará ku ta dushi tambe pa toka huntu — manera bo ta riba un treila di Simadán. Ma mi no por a haña kua akkoord nan ta usa, òf kua ritmo bo ta toka ku bo man riba e kuarta, òf kon bo ta tene bo wíri.
E idea tras di Music Companion ta krea un lugá pa e músika kultural di Boneiru, ku instrukshon kon bo mes por toka esei:
- e akkoordnan di un kantika
- e ritmo, i kon bo ta toka e
- kua instrumentonan ta bin den
- i kisas tambe kon bo mes por traha e instrumentonan — bo tabata sa ku un wíri ta simpelmente un buis ku groef kòrtá den dje, ku bo ta lora un palu riba?
Anto bo por praktiká na kas, en bes di kada biaha buska un hende ku sa, puntra "kon Simadán ta hasi atrobe?", i den tres dia lubidá esei.
Chord analyzer
Tambe tin un modulo ku ta purba rekonosé akkoord for di un fuente di zonido. Bo por plak un video di YouTube, upload un fishé di zonido, òf laga e skucha bo mikrofon na e mes momento — i e ta mustra kua akkoordnan ta wòrdu tokadó.
Ainda no ta funshoná perfekto. Pa músika lokal mi mester di grabashon di referensia ku e akkoord korekto markadó, pa kalibrá e sistema. Esei mi no tin, i mi no por haña niun kaminda. Ken por yuda?
Bo ta haña esaki interesante?
Vota ta e manera prinsipal pa yuda mi — asina mi sa unda interes ta sintá i unda mi mester pone mi tempu.